Pantun Minang


Sipasan baranak putiah
Jatuah kalapiak duo tigo
Abieh sampan ganti jo upiah
Namun pulau dihadang juo

Kurinci buahnyo manih
Lah di juluak sado nan mudo
Lah jaleh ka biduak tirih
Manga nyo sanak balayia juo

Urang Kinari manjua kain
Dibali anak rang Paninggahan
Dari pado dicari jo nan lain
Rancak bankalai disudahkan

Gadang ombak pantai Puruih
Dabuanyo sampai Kaulak karang
Dima badan indak kakuruih
Karano rang rantau indak namuah pulang

Bukit tinggi bapaga tembok
Tarantang kawek tigo alai
Manangih kasau nan jo atok
Tadanga kabek kabaungkai


Sipasan baranak putiah
Jatuah kalapiak duo tigo
Abieh sampan ganti jo upiah
Namun pulau dihadang juo

Kurinci buahnyo manih
Lah di juluak sado nan mudo
Lah jaleh ka biduak tirih
Manga nyo sanak balayia juo

Payokumbuah jalannyo luruih,
Singgah sabanta di Piladang.
Kok gantieng jan sampai putuih.
Tinggakan juo salai banang.

Oi, Upiek rambahlah paku,
Nak tarang jalan kaparak.
Oi, Upiek ubahlah laku,
Nak sayang urang ka-awak


cubadak tumbuah sabatang,
Tumbuah luruih dakek parigi,
nan rancak diliek urang,
Budi haluih mamikek hati.

Ka hilie jalan ka Padang,
Ka mudiek jalan ka Ulakan.
Kok musuah indak dihadang,
Basuo pantang di-ilakkan.

Dibao ribuik dibao angin,
Dibao pikek dibao langau.
Muluik jo hati kok balain,
Pantangan adaik Minangkabau

Baburu ka Padang data,
Dapeklah ruso balang kaki.
Baguru kapalang aja,
Ibaraik bungo kambang tak jadi.

Ka Koto mambao suluah,
Dari munggu tampak barasok.
Ibo di badan ka Takicuah,
Ilimu ijan dibao lalok.

Surau di Ulak Aie Bangih,
Tunggak nan dari Muko-Muko.
Pikie dahulu baru bangih,
Tantukan lapa maananyo.

Tagaliciek batang tabu,
Tagulimang baro dadak.
Taguliciek tampek lalu,
Dialieh pulo tampek tagak.

Marunduak lalu ka pakan,
Manyiruduak sambie balari.
Tatumbuak biduak dikelokkan,

Tatumbuak kato dipikiri.
@ ; Cimbuak.net.

.

0 komentar:

Posting Komentar

 
blackinnews | Gallery Jadoel | School | Hobbies | Download | irwan

Copyright © 2009 . |Designed by IRWAN SETIAWAN |Converted to blogger by keretaunto.blogspot.com

Usage Rights

DesignBlog BloggerTheme comes under a Creative Commons License.This template is free of charge to create a personal blog.You can make changes to the templates to suit your needs.But You must keep the footer links Intact.